Kryetari i Partisë së Lirisë, Ilir Meta pas denoncimit që bëri në FB për djegien e plehrave në Shijak, ka shkuar ta shikoj nga afër zonën. Ish-presidenti akuzoi qeverinë për aferën e inceneratorëve, duke e quajtur mafie.
“Këtu qeveria mafia e incneratorëve. Ushtorjnë edhe terror ndaj banorëve që të mos ankohen. Edhe i djegin, edhe i helmojnë, edhe i shtypin. Jemi këtu për të treguar solidaritetin tonë me të gjithë banorët”, tha ai.
Sipas Metës, inceneratori i Tiranës nuk ekziston dhe plehrat digjen në këtë mënyrë duke shkaktuar një krim mjedisor.
Lidhur me këtë rast, ka reaguar dhe policia e cila ka thënë se tymi është shkaktuar nga djegia e gomave dhe është arrestuar një 47-vjeçar.
Sipas policisë shtetasi Arben Meta, i kishte vënë flakën gomave, sediljeve të makinave dhe mbetjeve të tjera plastike, me qëllimin nxjerrjen e materialeve metalike.
“Në cilësinë e provës materiale iu sekuestrua një karrocë dore, me të cilën transportonte materialet metalike që nxirrte nga djegia e këtyre sendeve”, njoftoi policia.
