Një turiste hungareze është gjetur pa shenja jete në Ksamil këtë të Martë.
Sipas policisë, viktima Sindelyne Erzsebet, 66-vjeçare, dyshohet se ka humbur jetën “për shkaqe natyrale”.
“Sot, në Ksamil, është gjetur pa shenja jete, në dhomën e hotelit ku qëndronte, shtetasja hungareze S. E., 66 vjeçe, e cila dyshohet se ka ndërruar jetë, për shkaqe natyrale. Grupi hetimor po punon për sqarimin e rrethanave të ngjarjes”, njoftoi policia.
Me vendim të Prokurorisë së Sarandës, trupi është dërguar për ekspertizë mjeko-ligjore në Tiranë.
