Milani dhe Interi luajnë sot derbin e parë të sezonit, një sfidë e cila merr një kuptim më të veçantë për faktin se dy skuadrat edhe në këtë edicion shihen si pretendente kryesore për titullin në Itali.
Trajneri Pioli ka zgjedhur formacionin tip, me Mesias dhe Leao që mbështetin Giroud, ashtu si De Ketelar i cili tashmë shihet si titullar fiks.
Ndërkohë, Inzagi ka zgjedhur Correan si titullar përkrah Lautaro Martinez që në start, ndërsa Darmian preferohet në vend të Gosens.
Kjo është ndeshja e 233-të në sfida zyrtare mes palëve, e 177-ta në Serinë A.
