Policia britanike ka goditur një tjetër bandë kriminale, pjesë e të cilës kanë qenë dhe katër shqiptarë.
Pak metra larg Gjykatës së Kurorës Carlisle, banda krijoi një plantacion kanabisi me vlerë prej 1.6 milion £ në një ndërtesë, ndërkaq energjia e vjedhur arrinte vlerën 11,000 £ në ditë, raportojnë mediat britanike.
Katër shqiptarët që drejtonin ‘fermën’ u dërguan të gjithë para gjykatës. Në bankën e të akuzuarve ishin 29-vjeçari Nikolin Progni, 42-vjeçari Klaudio Lekndreaj, 28-vjeçari Klaurent Lena dhe i pandehuri më i ri, 22-vjeçari Andrea Vukaj.
Të pandehurit ishin pajisur me dhoma banimi, që përfshinin shtretër, një tavolinë dhe gardërobë. Po ashtu në kohën ku policia i zaptoi ndërtesën ata ishin duke gatuar makarona.
