Një 18-vjeçar është arrestuar nga policia e Tiranës pasi akuzohet për vjedhjen e një automjeti në Tiranë, ditën e djeshme, që drejtuesja e kishte lënë ndezur dhe ishte larguar prej tij.
Në pranga u vu L.I., 18 vjeç, banues në Tiranë, për veprat penale “Vjedhja” dhe “Drejtimi i automjeteve në mënyrë të parregullt”.
“Pas marrjes së njoftimit se te sheshi ‘Univers’, në rrugën ‘Mikel Maruli’, një person i paidentifikuar kishte vjedhur një automjet të cilin drejtuesja e tij, shtetasja D. Sh., 26 vjeçe, e kishte lënë të ndezur, menjëherë kanë organizuar punën për identifikimin dhe kapjen e autorit të dyshuar. Në kuadër të operacionit policor të koduar ‘Square’, u bë lokalizimi dhe arrestimi i 18-vjeçarit”, njoftoi policia.
“Ky shtetas, mesditën e djeshme, ka vjedhur automjetin në pronësi të shtetases D.Sh. dhe më pas është larguar duke e drejtuar automjetin e vjedhur, pa leje drejtimi”, shtuan të njëjtat burime.
