Detaje të reja kanë dalë në dritë nga vrasja e 40-vjeçarit shqiptar Nexhat Rama në Itali, trupi i të cilit u gjet i djegur brenda një makine Range Rover.
Mediat italiane bëjnë me dije se autori i krimit është arrestuar, pasi janë këqyrur pamjet e kamerave pranë shtëpisë së viktimës.
Cristiano Mossali aktualisht ndodhet në paraburgim, nën hetim për vrasje me paramendim, shkatërrim kufome dhe armëmbajtjes pa leje.
Italiani kishte marrë një borxh prej 30 mijë eurosh nga Rama dhe për shkak të interesave të fajdeve shuma kishte për të shlyer ishte rritur në mënyrë eksponenciale, ndaj ai e kishte gjetur veten në vështirësi. Pamundësia për të shlyer borxhin dhe këmbëngulja e 40-vjeçarit për t’i kthyer lekët së bashku me interesin, raportohet se shtynë Davide Cristiano Mossali të hartonte një plan për të dalë nga situata e vështirë.
Sipas hetimeve paraprake, ai e ka qëlluar për vdekje me armë Ramën dhe më pas e ka futur në bagazhin e Range Rover-it që viktima i kishte huazuar vëllait të tij. Më pas ka braktisur mjetin.
Burimi: bresciatoday
