Një ngjarje e rëndë është shënuar në Liban. Një fëmijë i mitur është gjetur në fund të detit i përqafuar me nënë e tij pas përmbytjes së varkës me të cilën ata udhëtonin.
Rreth dyzet persona që ndodheshin në bordin e gomones humbën në fund të detit pas përmbysjes së saj.
Në një operacion të nisur nga Roja Bregdetare u gjetën rreth 30 trupa të njerëzve që kishin humbur jetë disa muaj më parë sërish duke u munduar të kalojnë kufirin drejt një jete më të mirë. Mes shumë viktimasdh ata që dominonin ishin gratë dhe fëmijët.
Ata ishin në një varkë me më shumë se 85 emigrantë dhe e cila u mbyt më 24 prill.
“Ishte një grua poshtë në fund të detit, trupi i së cilës po mbante djalin e saj, i cili na theu zemrat”, tha shpëtimtari.
Rreth dyzet njerëz, kryesisht gra dhe fëmijë, mbetën të bllokuar në varkë dhe nuk mundën të shpëtonin.
Operacionet e shpëtimit, të cilat filluan ditët e fundit nën koordinimin zyrtar të marinës libaneze, janë organizuar me muaj vonesë nga një iniciativë private, me një mbledhje fondesh të menaxhuar pjesërisht nga një rrjet familjesh të viktimave. Pas disa përpjekjeve, marina libaneze informoi organizatën joqeveritare australiane AusRelief për pamundësinë e vazhdimit të operacionit për “rreziqe sigurie” të paspecifikuara.
Rreth 30 trupat e pagjetur, përfshirë atë të gruas së re dhe djalit të saj, janë të destinuar të mbeten në fund të detit.
