Deputeti i partisë së Lirisë, Petrit Vasili ka dhënë nëj intervsitë për Fax News ku ka folur lidhur me aksionin e paligjshëm të IKMT-së për shembjen e pishinave në “Prestige Resort”.
Vasili e konsideroi aksionin si një sulm politik ndaj “Focus Media Group” për shkak se gjatë gjithë kohës kanë publikuar fakte të cilat kanë rënë ndesh me interesat e qeverisë. Deputeti tha se kjo ishte një mënyrë që kryeministri Edi Rama t’u mbyllte gojën mediave të lira dhe profesionale.
“Të mendosh që një resort turistik i niveleve më të larta europiane, të trajtohet në këtë mënyrë dhe të vërsulen mjete që ta shkatërrojnë si barbarë, ishte diçka dramatike për t’u parë. Dhe gjithçka ndodhte për arsye se Edi Rama së bashku me të çmendurit e tjerë, donte patjetër t’i mbyllte gojën grupit të mediave që kanë qenë në mënyrë konstante objektive ndaj publikimit të të palarave të qeverisë. Kjo është të jesh një media e lirë dhe profesionale”,- tha Vasili ndër të tjera.
