Presidenti serb, Aleksandër Vuçiç gjatë ceremonisë së hapjes së edicionit të parë të Panairit të Verërave në Beograd, tha se Ballkani i Hapur ka luajtur një rol shumë të rëndësishëm në rajon.
Teksa theksoi se Ballkani i Hapur nuk i ka sjellë asgjë të keqe askujt,Vuçiç bëri me dije se do të vazhdojnë të punojnë më fort për shqiptarët, maqedonasit dhe të gjithë qytetarët e Serbisë. I pranishëm në panair ishte dhe kryeministri Edi Rama, i cili do të jetë pjesë e takimit të radhës së “Open Balkan”, që mbahet këto ditë në Beograd.
“Këtë e kemi arritur të gjithë së bashku, duke qenë se e njoh, unë jam një verëdashës më i madh se këta dhe kam qenë në më shumë vende. Sot kemi diçka për të qenë krenarë. S’mund të jemi më mirë se kaq, ia dolëm ta bënim këtë gjë. Hapa të mëdhenj patjetër që do të vijnë më pas, kur lexoni në broshura kuptoni që ky event është organizuar nga qeveria jonë. Nuk është burokratike dhe dua t’ju them që këtu janë investuar qindëra emra, të cilët kanë kuptim për ne, pavarësisht se për publikun nuk kanë asnjë kuptim. Nuk kam parë asnjëherë panair më të bukur se ky. Dua të them dhe diçka mjaft personale, përpara se ta deklarojmë të hapur këtë panair, ideja jonë gjithmonë ka pasur kritika, ka pasur nga ata që kanë dashur të gjejnë gjilpërën në kashtë. Nuk mund të luftosh diçka që vjen natyrshëm, Ballkani i Hapur nuk i ka sjellë asgjë të keqe askujt, do të vijojmë të punojmë më fort. Do të punojmë për shqiptarët, maqedonasit e të gjithë qytetarët e Serbisë”, tha Vuçiç.
