Një aksident automobilistik ndodhi mbrëmjen e së mërkurës në Firenze. Një automjet përplasi dy këmbësorë, të cilët ishin duke ecur në trotuar.
Mediat italiane shkruajnë se një nga personat e aksidentuar, një 65-vjeçar shqiptar ka ndërruar jetë në spital.
Të plagosur kanë mbetur edhe shoferi i makinës dhe pasagjeri.
Në vendngjarje mbërritën punonjësit e shëndetësisë edhe zjarrfikësit, të cilët nxorën dy personat e bllokuar brenda makinës.
Raportohet se drejtuesi i makinës humbi kontrollin dhe përplasi dy këmbësorët.
