Një aksident me një person të plagosur ka ndodhur këtë të Enjte në Ersekë.
Policia bën me dije se rreth orës 09:25, në hyrje të qytetit të Ersekës, janë përfshirë në një aksident rrugor, mjeti motor me drejtues E.J., banues në fshatin Taç, me mjetin tip “Volkswagen”, me drejtues E.D..
Për pasojë ka marrë lëndime B.J., rreth 66 vjeçe, banuese në Taç, Kolonjë, pasagjere në motor, e cila ndodhet në spital aktualisht jashtë rrezikut për jetën.
Grupi hetimor po kryen veprimet procedurale dhe po punon për zbardhjen e shkaqeve të aksidentit.
