Roma dhe Interi kanë festuar. Verdhekuqtë mposhtën 3-0 skuadrën e Monza dhe ngjiten në vendin e parë me 10 pikë të grumbulluara në katër javë kampionat.
Protagonist ishte sulmuesi Paulo Dybala, autor i dy golave që në pjesën e parë të ndeshjes, ndërkohë që në të dytën Ibanez realizoi edhe të tretin.
Edhe Interi e zgjidhi lehtë duelin kundër Cremonese, duke fituar me shifrat 3-1. Joaquin Correa ishte ai që e zhbllokoi duelin që në minutën e 12-të.
Barella u bë pjesë e shfaqjes më pas me një gol fantastik fluturimthi. Në listën e shënuesve nuk mund të mungonte as Lautaro Martinez, i cili shënoi golin e tretë në pjesën e dytë.
