Një 35-vjeçar i cili u kap me doza kokaine dhe kanabisi, është arrestuar nga policia në Kurbin.
“Është arrestuar në flagrancë 35 vjeçari Paulin Rrika, banues në Kurbin, për veprën penale ‘Prodhimi dhe shitja e narkotikëve'”, njofton policia.
Gjatë kontrollit fizik, në Laç, shërbimet e Policisë kanë gjetur doza me lëndë të dyshuar narkotike kokainë dhe kanabis, të cilat u sekuestruan në cilësinë e provës materiale, bënë me dije burime zyrtare.
Aksioni, sipas bluve, erdhi “bazuar në informacionet e siguruara në rrugë operative”.
