Gledis Nano ka dhënë dorëheqjen nga kreu i Policisë së Shtetit.
Burime bëjnë me dije se Gledis Nano ka dorëzuar dorëheqjen dhe zyrtarizmi i largimit nga detyra pritet të bëhet pasnesër, në mbledhjen e Këshillit të Ministrave.
Në këtë ditë, pritet të zbulohet edhe emri i Drejtorit të ri të Policisë së Shtetit.
Gledis Nano mori drejtimin e Policisë së Shtetit në tetor të 2021-ës, duke zëvendësuar në këtë post Ardi Veliun.
Arsyet e dorëheqjes së Nanos janë të paqarta, megjithatë vendimi vjen në një moment kur ngjarje të rënda kriminale kanë ndodhur në vend së fundmi dhe shumë mbeten të pazbardhura. 25 persona kanë humbur jetën në 22 vrasje të ndodhura gjatë kësaj vere, mes tyre edhe disa atentate mafioze.
Zyrtarisht, Policia nuk konfirmon dorëheqjen e Gledis Nanos, megjithatë ai pritet që shumë shpjet t’ia lërë drejtimin e Policisë një tjetër figure që ka mbajtur poste të rëndësishme në këtë strukturë.
