Një gjykatë në Moskë raportohet se ka lëshuar një urdhër-arrest për Svetlana Valeryevna Timofeyeva, të dhënat të së cilës përkojnë plotësisht me të dhënat e shtetases ruse të arrestuar në Shqipëri, e dyshuar për spiunazh.
Gjykata në distriktin Meshçasky, ka thënë më 26 gusht se ka shtuar Timofeyevan në listën e personave të kërkuar, pasi është akuzuar se në mënyrë të paligjshme ka siguruar informacion të klasifikuar, shkruan media ruse RBC.
Svetlana Timofeyeva u arrestua më 20 gusht në Shqipëri pasi bashkë me dy shtetas të tjerë, një rus dhe një ukrainas pas incidentit në Gramsh.
Mbi dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe ukrainasin Fiodor Mihailoviç rëndojnë 2 akuza; “Dhënia e informatave sekrete”, dhe “Goditja për shkak të detyrës”.
Aata u lanë në burg nga gjykata.
Kryeministri Edi Rama konfirmoi këtë të Premte deklaratat e mëparshme se personat e ndaluar pas incidentit në uzinën në Gramsh dyshohet se janë spiunë. Por, sipas tij, misioni i tyre i vërtetë nuk është marrja e informacioneve për uzinën në Gramsh, po një tjetër, ende i panjohur.
