Dëmtimet janë bërë armiku numër 1 i Partizanit, që në nisje të sezonit të ri të Superiores, direkt pas ndeshjes së parë. Gjithsesi, ka një lajm të mirë, pasi Arinaldo Rrapaj është stërvitur me grupin e ditën e djeshme dhe është tërësisht gati për Laçin.
Nga ana tjetër, Alfred Mensah dhe Aristoteles Romero është e sigurt se nuk do të jenë të gatshëm për ndeshjen me kurbinasit. Të dy nuk janë në gjendje për të zbritur në fushë dhe vijojnë stërvitjen në palestër. Ish-sulmuesi i Skënderbeut ka një dëmtim muskulor, që pritet të kërkojë kohë edhe pas ndeshjes me Laçin. Mjaft serioze është gjendja për Romeron.
Mësohet se mesfushori vuan nga një problem në gju. Dëmtime të tilla kërkojnë kohë të gjatë rikuperimi dhe mbetet të shihet sa do të mungojë Romero. Ai është zgjedhje e parë në mesfushë për Kolelën.
