Policia Rrugore e Tiranës ka arrestuar shtetasin O. SH., që bënte gara me makinë në mes të kryeqytetit me drejtuesin e një automjeti tjetër, duke rrezikuar jetën e banorëve.
Raportohet se i riu i xhironte garat që bënte dhe më pas i publikonte në rrjete sociale.
Pas ndalimit policia e gjobiti atë me 40 000 lekë gjobë, ndërkohë që njoftohet se po punohet për kapjen edhe të shoferit tjetër që garonte me të riun e gjobitur.
Policia Rrugore e Tiranës apelon për të gjithë drejtuesit e mjeteve që të respektojnë rregullat e qarkullimit, të mos kryejnë gara shpejtësie, të vendosin rripin e sigurimit , të mos përdorin celularin gjatë drejtimit të mjetit, të mos kryejnë parakalime të gabuara, si dhe të mos drejtojnë mjetin nën efektin e alkoolit apo në gjendje të dehur.
