Një 27 vjeçar është arrestuar pasi akuzohet se i ka vjedhur me dhunë varësen, nga qafa në shtetasi.
Në këtë ngjarje ka ndërhyrë dhe babai i djalit që kishte varësen duke u përleshur me hajdutin.
Gjatë kësaj vetëgjyqësie babai ka goditur me grushte 27-vjeçarin, si dhe ka dëmtuar nga pakujdesia, automjetin e parkuar të një shtetasi tjetër.
Hajdutit, J.C 27 vjeç banues në Vorë i janë vënë prangat ndërsa 47 vjeçari edhe ai banues në Vorë do të procedohet në gjëndje të lirë
“Specialistët për Hetimin e Krimeve në Komisariatin e Policisë Vorë, në vijim të punës për goditjen e paligjshmërisë, ndaluan me iniciativë shtetasin J. C., 27 vjeç, banues në Vorë, për veprën penale “Vjedhja me dhunë”, pasi dyshohet se i ka vjedhur me dhunë varësen, nga qafa, shtetasit O. S. Në vijim, shtetasi A. S. (babai i O. S.), me vetëgjyqësi, ka goditur me grushte 27-vjeçarin, si dhe ka dëmtuar nga pakujdesia, automjetin e parkuar të një shtetasi tjetër”, njofton policia.
