Transmetuesi gjerman “ZDF” i ka kushtuar një reportazh rrugës së Shqipërisë në Bashkimin Europuan, duke sjellë në vëmendje problemet serioze me të cilat përballet vendi.
“Shumë njerëz në Shqipëri mbështesin anëtarësimin në BE dhe bisedimet e pranimit janë në vazhdim. Megjithatë, vendi duhet të kapërcejë ende disa pengesa, siç është korrupsioni”, raporton ZDF, në materialin e titulluar “Shqipëria, Rruga e vështirë për në BE”.
Përveç korrupsionit, “ZDF” sjell prek edhe trafikun e drogës si dhe sjelljen arrogante të kryeministrit Edi Rama me gazetarët.
Lidhur me këtë aspekt ka reaguar edhe ish-ministri Genc Pollo, i cili përmes një postimi në Twitter, teksa shpërndan reportazhin e televizionit gjerman, shkruan: TV gjerman ZDF referon si shembull “riedukimin” e gazetarëve nga Rama. Dikur dikush tha se “Rama është brand për Shqipërinë”!!
“Rruga e vështirë e Shqipërisë për në BE.”
TV gjerman ZDF referon si shembull “riedukimin” e gazetarëve nga Rama.
Dikur dikush tha se “Rama është brand për Shqipërinë” !!🤔🙃Albanien: Schwieriger Weg in die EU – ZDFmediathek https://t.co/MGK6Itd4FS
— Genc Pollo (@GencPollo) August 17, 2022
