Bardhyl Musai, pedagog në Universitetin e Tiranës, në takimin me kryetarin e PD, Sali Berisha, ngriti shqetësimin e largimit të të rinjve jashtë vendit.
Ai tha se familjet shqiptare shpenzojnë 500 milionë euro për shkollimin e fëmijëve jashtë vendit, para e cila ikën nga Shqipëria dhe sistemi arsimor shqiptar.
Bardhyl Musai tha se rinia po ikën, 500 mijë kanë ikur vitet e fundit.
“Kemi një bjerrje të të rinjve. E dini që familjet shqiptare shpenzojnë 500 milionë euro për të shkolluar fëmijët jashtë.
Janë 1/8 e buxhetit të shtetit, është 4% e GDP, kur i gjithë investimi në arsim është 2.8% e GDP. Sikur kjo para të qëndrojë në Shqipëri do të kishim lulëzim të arsimit.
Po varfërohet Shqipëria se paratë po dalin jashtë, varfërimi më i madh është varfërimi intelektual, po ikën truri. Vetëm vitin e shkuar kanë ikur në emigrim 42 mijë vetë dhe popullsia jonë po tkurret në 2021 krahasuar me 2020, 1.3% minus është rritja natyrore e popullsisë, kemi më shumë vdekje se lindje.
Po shkatërrohet sistemi i vlerave, kjo nuk është e rastësishme, por e qëllimshme”, tha Musai.
