Kryetari i Partisë Demokratike Sali Berisha ka zhvilluar këtë pasdite një takim me mësues dhe ekspertë të arsimit parauniversitar.
Publicisti Ndriçim Kulla, i cili ishte i pranishëm në takim deklaroi se kryeministri Edi Rama ka krijuar një sistem arsimor të shthurur.
Sipas tij, sistemi arsimor do e kalojë problematikën me ndërhyrjen e Partisë Demokratike ndërsa shtoi se aktualisht edukimi është përtokë.
“Edukimi mungon. Nuk po përballoj dot vajzat, është ndikimi i grupit. Fëmijët kanë nevojë për një pedagogji që është në zhvillim, jeta ka dinamika.
Problemi më i madh është teknologjia digjitale. Ka sot një antivirus të përballojë teknologjinë digjitale. Edukimi është përtokë, edukimi arsimor, familjar, shoqëror, edukimi europian.
Rama ka shthurur shkollën. Nëse doni vota, ngrini çështjen, identitetin kombëtar në arsim. Arsimit shqiptar i duhet rikthyer identiteti kombëtar”, tha Kulla.
