Nënkryetari i PD, deputeti Luçiano Boçi ka reaguar ndaj një qëndrimi të shprehur nga kreu i Grupit Parlamentar socialist, Taulant Balla, i cili ka paralajmëruar sot marrjen e masave në shtator, për atë që e quan si përdhosjen e Kuvendit, nga Sali Berisha.
“Kuvendi i Shqipërisë do të adresojë gjatë sesionit të ri që fillon në shtator situatën e papranueshme dhe absurde se si një sekretar partie dhe njeri i afërt me udhëheqjen e diktaturës komuniste, i shpallur non grata nga Shtetet e Bashkuara të Amerikës dhe Britania e Madhe, vazhdon të përdhosë këtë institucion me praninë dhe gjuhën e tij”, shkruan Balla.
Por Boçi në reagimin e tij thekson se bijtë duan revansh, pasi kanë frikë nga shtatori. Madje Boçi paralajmëron se kush mbjell erën do të korrë fortunën.
Postimi i Luçiano Boçit
Ish-Sekretari i përgjithshëm i partisë ish-komuniste dhe ish-punës, partisë së miqësisë së pathyeshme jugosllavo-sovjetike-kineze, sot socialiste, “këngëtari” i palodhur, na paraqitet sot i shqetësuar për praninë në parlament të Sali Berishës, shembësit të diktaturës Hoxhiste dhe shpurës së tij, iniciatorit e firmosësit të rivendosjes së marrëdhenieve me SHBA e BE, të rrugës për në BE, të hyrjes së Shqipërisë në NATO, etj.
Sipas sekretarit të përgjithshëm të partisë ish-komuniste e ish e punës, Presidiumi i Kuvendit popullor të Shqipërisë (tani Kryesia e Kuvendit të Shqipërisë) që firmoste varjen e poetëve para viteve ‘90, do na ndërmarrka iniciativa për dënimin e atij që luajti rolin kryesor në rrëzimin e diktaturës të etërve.
Bijtë duan revansh… nga frika e shtatorit!
Por kush mbjell erën, do korrë fortunën-thotë populli!
#Shqipërianërrezik
