Detaje të reja kanë dalë nga ngjarja e ndodhur ditën e djeshme në qendër të Prishtinës, ku një grup personash janë parë të maskuar teksa shëtisnin me qen në Prishtinë dhe kanë shqetësuar kalimtarët me pamjen e tyre.
Mediat në Kosovë, raportojnë se Albin Ajeti, një 20-vjeçar që po xhironte video-klipin e një kënge të tij, u arrestua bashkë me nëntë persona të tjerë në sheshin “Zahir Pajaziti” të Prishtinës të dielën. Arrestimi i këngëtarit të ri nga Prishtina dhe nëntë të tjerëve ndodhi për shkak të maskave që kishin vendosur. Përpos kësaj, këngëtari i ri dhe nëntë pjesëmarrësit në video-klipin që po xhirohej, shëtisnin me dy qen nëpër sheshet e kryeqytetit.
Ata u arrestuan, por Prokuroria e Prishtinës i liroi në mungesë të elementeve të veprës penale ndaj të arrestuarve.
Ndaj të arrestuarve, Policia ka lëshuar fletëparaqitje për kundërvajtje për sjellje arrogante në publik.
Emrat e dhjetë të arrestuarve:
1. Albin Ajeti, këngëtar
2. Krenar Mehmeti
3. Alban Mehmeti
4. Nderim Mustafa
5. Ardit Ajeti
6. Burim Ajeti
7. Avni Dibrani
8. Vigjilent Selimi
9. Dimal Haziri
10. Atdhe Berisha
