Një shqiptar, i dënuar nga autoritetet gjermane të drejtësisë me 15 vite burg për akuzat e trafikut të drogës, është arrestuar në Itali.
Shqiptari u kap pas një kontrolli të rastësishëm që iu bë automjetit me të cilin udhëtonte në Tuoro sul Trasimeno. Makina ka ngjallur dyshime te karabinierët që vendosën t´a ndalojnë dhe të ushtrojnë kontroll.
Pas verifikimeve rezultoi se shqiptari 40-vjeçar ishte shpallur në kërkim nga autoritetet gjermane. I arrestuari u transferua në burgun e Perugia-Capanne.
