Ilir Meta, kryetari i Partisë së Lirisë, ka kthyer vëmendjen sot nga Porti i Durrësit, që është mbështjellë me rrjetën e një afere të re korruptive me investiorë të dyshimtë.
Meta thekson se “interesi i vendit nuk ekziston për këtë kryeministër, i cili fshihet pas historive me guacka pas guackash, me investitorë dhe burime të dyshimta parash”.
“Shqipëria dhe Durrësi kanë nevojë për investitorë seriozë strategjikë dhe vendime, – nënvizoi Ilir Meta, – që respektojnë Kushtetutën, sovranitetin shtetëror mbi infrastrukturën strategjike, parimet e konkurrencës dhe transparencës, detyrimet që burojnë nga Marrëveshja e Stabilizim-Asocimit dhe Procesi i Berlinit.
Injorimi brutal i qytetarëve të Durrësit, i ekspertëve vendas dhe të huaj, i shoqërisë civile, i detyrimeve ndaj Korridoreve europiane të sanksionuara në Samitin e Vjenës (2015), tregon se interesi i tyre dhe ai i vendit nuk ekziston për këtë kryeministër, i cili fshihet pas historive me guacka pas guackash, me investitorë dhe burime të dyshimta parash.
