Një punonjës i IMT-së u plagos pasditen e sotme me armë zjarri në Tiranë, pasi kishte përfunduar zbatimin e një vendimi,
Punonjësi i plagosur i IMT është identifikuar si Ilirjan Gavelli, i cili ka marrë plagë me armë zjarri në bark dhe ndodhet në spital në kujdesin e mjekëve.
Ngjarja ka ndodhur rreth orës 17:30 kryqëzimin e rrugëve “Todi Shkurti” me rrugën “Kristaq Capo”. Shkaqet dhe rrethanat e ngjarjes janë ende të paqarta ndërsa vijojnë hetimet nga autoritetet.
Ndërkohë policia mësohet se ka ndaluar autorin e dyshuar të ngjarjes, i identifikuar si Qani Muça 55 vjeç.
Njoftimi i Policisë së Tiranës
Plagosi me armë zjarri një punonjës të I.M.T-së, shërbimet e Komisariatit të Policisë Nr.1 kapin dhe shoqërojnë menjëherë autorin e dyshuar. Policia sekuestron dhe armën e zjarrit pistoletë, e cila dyshohet se është përdorur gjatë kryerjes së krimit.
Më datë 12.08.2022, rreth orës 17:30, në kryqëzimin e rrugës “Todi Shkurti” me rrugën “Kristaq Capo”, shtetasi Q. M., 55 vjeç, dyshohet se ka plagosur me armë zjarri, punonjësin e i IMT-së, shtetasin I. G., 52 vjeç, i cili sapo kishte përfunduar ekzekutimin e një vendimi. 52 vjecari është dërguar në spital dhe ndodhet nën kujdesin e mjekëve.
Autori është kapur nga shërbimet e Policisë dhe është shoqëruar në komisariat, së bashku me armën e përdorur gjatë kryerjes së krimit, për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave të ngjarjes.
