Një 34-vjeçar është arrestuar nga Policia e Lushnjes, pasi akuzohet se ka dhunuar bashkëshorten e tij. I riu, me iniciale N.T., nga Dushku dyshohet se ka rrahur bashkëshorten, e cila e ka denoncuar më pas në Polici.
“Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin N. T., 34 vjeç, banues në Dushk, Lushnjë, pasi dyshohet se ka ushtruar dhunë fizike ndaj bashkëshortes së tij. Materialet i kaluan Prokurorisë, për veprime të mëtejshme procedurale,“-shkruhet në njoftimin e Policisë.
