Detaje të reja janë zbuluar për ngjarjen e rëndë të ndodhur në Shkodër një natë më parë, ku një 12-vjeçar u vra aksidentalisht me armë nga xhaxhai i tij.
I mituri ka ndërruar jetë rreth orës 22:15 minuta, teksa është qëlluar aksidentalisht me çifte.
“Ai ka qenë duke luajtur me armën, kur është shkrepur aksidentalisht nga xhaxhai, i cili po luante me armën me nipin.
Ky i fundit është shoqëruar dhe po merret në pyetje mbi rrethanat. Është sekuestruar edhe arma.
Në ato momente në banesë kanë qenë edhe prindërit e fëmijës. Nuk dihet ende nëse në dhomë kanë qenë të vetëm apo të pranishëm kanë qenë edhe prindërit e të miturit”, u shpreh ai.
Informacion paraprak
Më datë 09.08.2022, rreth orës 21:55, në fshatin Samrisht, Shkodër, nga të dhënat paraprake dyshohet se aksidentalisht duke pastruar çiften, shtetasi V.J, 68 vjec, ka vrarë me armën e gjahut nipin e tij B.J, rreth 10 vjeç.
Nga e shtëna aksidentale është plagosur në dorë dhe vetë shtetasi V.J., jashtë rrezilit për jetën.
Në vendngjarje po shkon grupi hetimor, nën drejtimin e Prokurorisë, për kryerjen e veprimeve dhe zbardhjen e plotë të rrethanave të ngjarjes.
