Klodjan Keqi, autori i vrasjes së 55-vjeçarit Luan Hushi ditën e sotme në Krujë, ishte emër i njohur për policinë.
Raportohet se 12 vite më parë ai ka tentuar të vrasë një tjetër person. Në atë kohë ai bashkë me vëllanë e tij Jetmir Keqi, u përfshinë në konflikt me Mustafa Dacin, pasi familjet e tyre kishin pasur hesape të mëparshme.
Në atë kohë Keqi qëlloi drejt Dacit dhe më pas u arratis bashkë me armën e krimit. Ngjarja ndodhi pranë një karburanti në rrugën kryesore Fushe Krujë – Krujë.
Aktualisht Keqi është shpallur në kërkim nga policia pasi qëlloi sot me kallashnikov në drejtim të bashkëfshatarit të tij, Luan Hushi.
