Një person i dënuar me dy vjet heqje lirie me akuzën e vjedhjes u arrestua nga Policia e Fierit. Sipas njoftimit zyrtar, 40 vjeçari Rei Lala alias Klajdi Gega, 40 vjeç, banues në Dërmënas, Fier, në kërkim i dënuar me 2 vite burg për vjedhje është arrestuar nga Policia e Fierit.
Njoftimi i policisë/ Fier
Specialistët për Hetimin e Krimeve në Komisariatin e Policisë Fier ndaluan shtetasin e shpallur në kërkim Rei Lala alias Klajdi Gega, 40 vjeç, banues në Dërmënas, Fier, pasi Gjykata e Shkallës së Parë Fier, me vendimin e datës 05.10.2021, e ka dënuar me 2 vjet burgim, për veprën penale “Vjedhja”.
Po nga këto struktura u referuan materialet në Prokurori dhe u bë shpallja në kërkim e shtetasve:
-A. Ç., 45 vjeç, banues në Roskovec, pasi dyshohet se ka ushtruar dhunë psikologjike dhe ka kanosur për jetën bashkëshorten e tij;
-S. Gj., 38 vjeç, banues në Levan, Fier, pasi ka ushtruar dhunë fizike ndaj motrës së tij.
