Deputetja Erisa Xhixho referuar shkrimeve në media për të dhënat se qytetarët shqiptarë po konsumojnë më shumë bukë duke ulur blerjet për produktet e tjera të shportës, thotë se shqiptarët janë në mjerim nga rritja e çmimeve, “ndërkohë që qeveria pasurohet”.
“Shpopullimi masiv po jep efektet edhe në mbledhjen e të ardhurave.
Ikja e të rinjve ka ulur konsumin për nënproduktet e mishit. Pra, më pak të ardhura për kompanitë, më pak para në buxhet dhe rritje e shtuar e papunësisë.
Kjo është gjendja ku e ka zhytur vendin qeveria “Rama” përkundrejt propagandës që s’mund të fshehë me realitetin që e vuajmë çdo ditë!”, shkruan Xhixho.
Postimi i Xhixhos:
Shqiptarët në mjerim nga rritja e çmimeve, ndërkohë që qeveria pasurohet.
➡️Vetëm në muajin korrik, falë rritjes së çmimeve, të ardhurat u shtuan me rreth 170 milionë euro, një rekord historik.
➡️Por nga ana tjetër, shqiptarët varfërohen dhe po heqin dorë nga ushqimet bazë. Rritja e çmimeve e ka tkurrur me 40% konsumin.
Qeveria injoron kërkesën për ulje taksash dhe politika mbështetëse për të varfërit sikundër kanë bërë vendet e rajonit. Në Shqipëri, të vetmit që kanë përkrahjen e qeverisë janë klientët e saj.
Shpopullimi masiv po jep efektet edhe në mbledhjen e të ardhurave.
Ikja e të rinjve ka ulur konsumin për nënproduktet e mishit. Pra, më pak të ardhura për kompanitë, më pak para në buxhet dhe rritje e shtuar e papunësisë.
Kjo është gjendja ku e ka zhytur vendin qeveria “Rama” përkundrejt propagandës që s’mund të fshehë me realitetin që e vuajmë çdo ditë!
