I mituri 10-vjeçar polak që ra aksidentalisht nga kati i tretë i një pallati te Shkëmbi i Kavajës, ndodhet në Spitalin e Traumës në Tiranë.
Gjendja e tij është aktualisht jashtë rrezikut për jetën, por vazhdon që të jetë nën kujdesin e vazhdueshëm të mjekëve.
Gjatë momentit që i mituri polak ka rënë nga ballkoni i hotelit në Shkëmbin e Kavajës, prindërit e tij kanë qenë të pranishëm, por nuk kanë mundur ta parandalojnë rënien e tij.
Pushuesit e tjerë të cilët po ashtu kanë parë ngjarjen e ndodhur mbrëmjen e djeshme rreth orës 22:40 shprehen të tronditur.
Familja nga Polonia prej ditësh ndodhej në Durrës ku kishin zgjedhur të kalonin pushimet në Shkëmbin e Kavajës.
Ekspertët ndodhen në vendngjarje dhe po bëjnë ekspertizën e ngjarjes për të përcaktuar sesi ndodhi rrëzimi i të miturit nga një lartësi e tillë në një ambient që supozohet të jetë i sigurt.
