Ministri i Brendshëm, Bledi Çuçi ka reaguar pas operacionit të zhvilluar nga policia shqiptare në bashkëpunim me Guarda di Finanzia.
Në këtë operacion u arrestuan 3 shtetas shqiptarë dhe 2 ukrainas teksa tentuan të transportonin 992 kg kanabis.
Ministri Bledi Çuçi shprehet për këtë operacion se policia po godet krimin.
Postimi i Çuçit:
Operacioni i sotëm ndërkombëtar në Vlorë mes Policisë së Shtetit dhe Guardia Di Finanza për goditjen e një grupi të trafikut të drogës me mjete lundruese dhe sekuestrimin e një rreth 1 ton marijuanë, është një tjetër dëshmi domethënëse e profesionalizmit dhe forcës goditëse pa asnjë kompromis kundër krimit të organizuar.
Përgëzime të gjithë oficerëve shqiptarë e italianë që morën pjesë në këtë operacion të mirëkoordinuar nga ajri, deti dhe toka. Qëndrojmë frontalisht të vendosur për të vijuar luftën e vazhdueshme me të keqen, me bindjen se vetëm në këtë mënyrë krijojmë siguri për shoqërinë dhe garantojmë të ardhmen tonë.
