Më shumë se 80.000 turistë kanë mbetur të bllokuar në një vendpushim popullor në Kinë pas ‘lock down’ të vendosur nga shpërthimi i coronavirusit.
Autoritetet anuluan të gjitha fluturimet dhe trenat nga Sanya, i njohur si “Hauai i Kinës”, të shtunën, një ditë pasi u konfirmuan 263 raste pozitive, shkruan BBC.
Udhëtarët tani duhet të paraqesin pesë teste negative PCR gjatë shtatë ditëve përpara se të lejohen të largohen.
Kina është e vetmja ekonomi e madhe që ende ndjek një politikë “zero Covid”.
Vendi ka regjistruar më pak se 15.000 vdekje që nga fillimi i pandemisë, sipas Universitetit Johns Hopkins. Sidoqoftë, ka pasur shqetësime për ndikimin e rregullave të rrepta, përfshirë testimin masiv dhe bllokimet lokale, në ekonomi.
