Endrit Braimllari, një nga zyrtarët e Partisë së Lirisë, në një postim në rrjetet sociale, shprehet se qeveria i ka zhytur fermerët në varfëri, ndërsa Qeveria vijon me propagandë e mashtrime.
Braimllari tha se fermeri vendas po përballet me vështirësi të jashtëzakonshme në kushtet kur çmimet po rriten çdo ditë.
“Është e pa imagjinuar që 80 përqind e të rinjve në qarkun Korçë, në zonën më prodhuese të Shqipërisë emigrojnë në Maqedoninë e Veriut dhe në Greqi për të kryer të njëjtën punë në bujqësi dhe lënë tokat e tyre më prodhuese sepse Rilindja nuk i mbështet por i detyron drejt emigrimit në një politikë të qartë antikombëtare dhe shpopulluese.
Sektori i bujqësisë është në emergjencë dhe duhet të shikohet qartë si një sektor strategjik dhe për këtë kërkon vëmendje dhe angazhim të drejtpërdrejtë”, shkruan ai.
Nga Endrit Braimllari
Fermeri vendas në varfëri, Rilindja propagandë dhe mashtrim.
Fermeri vendas po përballet me vështirësi të jashtëzakonshme në kushtet kur çmimet po rriten çdo ditë.
Rritja e çmimit të karburantit e inputeve bujqësore, mungesa e infrastrukturës, mungesa e tregut për produktet vendas, mungesa e subvencioneve dhe skemat klienteliste të përfitimit.
Reshjet e breshrit në muajin qershor dhe mungesa e vëmendjes nga pushteti lokal dhe qendrorë kanë çuar fermerin vendas në kushtet e falimentimit.
Është e pa imagjinuar që 80 përqind e të rinjve në qarkun Korçë, në zonën më prodhuese të Shqipërisë emigrojnë në Maqedoninë e Veriut dhe në Greqi për të kryer të njëjtën punë në bujqësi dhe lënë tokat e tyre më prodhuese sepse Rilindja nuk i mbështet por i detyron drejt emigrimit në një politikë të qartë antikombëtare dhe shpopulluese.
Sektori i bujqësisë është në emergjencë dhe duhet të shikohet qartë si një sektor strategjik dhe për këtë kërkon vëmendje dhe angazhim të drejtpërdrejtë.
Bujqësia ka nevojë:
Revolucion Antikorrupsion në bujqësi me qëllim që prioritet i AZHBR-së të mos jetë afera e inceneratorëve por fermeri vendas.
Subvencionim i drejtpërdrejtë për çdo njësi prodhimi.
Subvencionim për çmimin e inputeve.
Subvencionim për skemën e karburantit.
Favorizimin e produkteve Made in Albania.
Bujqësia sektor strategjik që kthen shpresë dhe hap vende të reja pune
