Nga Boldnews.al
Shqiptarët po dëgjojnë dita-ditës sesi qindra miliona euro të tyre po shpenzohen për projekte të kota, me afera të mëdha. Afera e inceneratorëve është ende e hapur, teksa në burg është edhe një ish-ministër dhe zyrtarë, që mund të pasohen nga punonjës të tjerë. Por, pa u mbyllur kjo ccështje, qeveria ka hapur një tjetër aferë, atë të TEC-it lëvizës që do të vendoset në zonën e Triportit në Vlorë.
Në atë zonë, që prej vitit 2009, është ndërtuar një TEC që ka kushtuar plot 130 milionë euro. Por, ai është ende nën “konservim”, si pasojë e gabimeve në ndërtim, ndërsa vit pas viti hidhen të tjera miliona euro për të mirëmbajtur. Ndërkohë, disa muaj më parë, KESH-i, tashmë i drejtuar nga Ergys Verdho, një emër që lidhet ngushtë me paratë publike, gjatë kohës që ka drejtuar ARRSH-në, ka iniciuar një nismë aspak të zakonshme.
Në vend që të vinte në punë TEC-in egzistues, ai hapi tendera për të marrë me qira TEC lëvizës, ose TEC anije. Në anije të mëdha janë vendosur gjeneratorëtë fuqishëm, të cilët prodhojnë energjji me lëndë djegëse. Kostoja e marrjes me qira është tepër e fryrë, pasi për 2 vite, KESH-i do të paguajë 94.500 euro në ditë. Me një llogari të thjeshtë, rezulton se në këtë hark kohor, Verdho-Balluku do të paguajnë plot 67,284,000 USD. Një shifër e frikshme, por pa llogaritur karburantin!
KESH-i po përgatit procedurat e një tenderi 3 milionë USD për ankorimin e TEC-it lëvizës
Më sipër, në evidentuam dy shifra. 130 milionë euro për ndërtimin e TEC-it egzistues dhe 67 milionë USD pagesa qiraje vetëm për dy vite për TEC-in lëizës. Pra, rreth 200 milionë euro apo USD.
Por, a mbarojnë këtu këto shpenzime?
BoldNews.al ka siguruar dokumente të tjera që po përgatit Ergys Verdho, bashkë me “shefen” e tij, Belinda Balluku. Dokumenti i mësipërm është hapja e një tjetër procedure për TEC Vlora, vetëm për ankorimin e anijeve në zonën e Triportit në Vlorë. Objekti i tenderit është “ndërtimi i infrastrukturës së aksesimit dhe ankorimit për operimin e një aseti gjenerues termik, me portin e peshkimit Triport -Vlorë”.
Pra, vetëm për aksesimin dhe ankorimin do të bëhet kjo procedurë, pasi fazat e tjera kanë përfunduar dhe anijet që mendohet se janë në vende të dorës së tretë janë nisur për në Shqipëri. Autoriteti kontraktues i këtij tenderi është Korporata Elektroenergjitike Shqiptare, e cila ka akorduar për këtë procedurë një shumë plot 280.000.000 lekë, ose me TVSH rreth 3 milionë USD. Mëzohet se tenderi do të jetë për pinime, ndërsa të gjitha punët do të zhvillohen në muajin tetor, në atë kohë pritet që anijet të vijnë në vendin tonë.
