Policia në Tiranë njofton se një zjarr ka rënë në një pallat në Astir.
Sipas policisë, si pasojë e zjarrit, janë djegur panelet e pallatit dhe një automjet.
Shkak për zjarrin dyshohet se është shkëndija elektrike.
Njoftimi nga Policia e Tiranës:
Më datë 06.08.2022, rreth orës 12:50, në rrugën “Teodor Keko”, në afërsi të një pallati që po ndërtohet, për shkak të një shkëndije elektrike, ka rënë zjarr.
Për pasojë janë djegur disa panele të pallatit dhe një automjet i parkuar, në pronësi të shtetasit A. M.
Grupi hetimor ndodhet në vendngjarje dhe po punon për sqarimin e rrethanave të ngjarjes.
