Bordi i ngritur nga Edi Rama vendosi sot që 1 litër naftë të shitet me 220 lekë, duke ulur çmimin me vetëm 1 lek.
Vendimi i Bordit shkaktoi reagime të shumta, ndërsa duket se përmes strukturës që përcakton çmimet e karburanteve në Shqipëri, Edi Rama ka vendosur të tallet pak me shqiptarët. Ndoshta duke i matur pulsin se sa mund të durojnë, ose duke i kthyer reston për protestat e organizuara së fundmi dhe atyre që pritet të zhvillohen.
E ndërsa në Shqipëri çmimet e karburanteve nuk pasqyrojnë ato në bursa, ku ka një rënie të ndjeshme, në vendin fqinj, Malin e Zi, 1 litër naftë kushton 25 % më lirë se në Shqipëri.
“Ky ishte sot çmimi i naftës në Malin e Zi, 25% më i lirë se në Shqipëri. Qeveria me borde vjedh qytetarët?”-shkruan Sali Berisha, kryetari i PD, në rrjetin social.
