Revolucioni anti-korrupsion, konsiderohet nga Sekretari Organizativ i Partisë së Lirisë, Endrit Braimllari, si zgjidhja e vetme për përmirësimin e klimës së investimeve të huaja në vend dhe çlirimin e ekonomisë.
Në një postim në rrjetet sociale, ai shkruan se beteja anti-korrupsion është emergjente, ndërsa shprehet se ajo jo vetëm do të rikthejë besimin tek investitorët, por do t´i kthejë qytetarëve edhe paratë e grabitura nga pushteti i hajdutërisë së Rilindjes.
Postimi nga Endrit Braimllari
Raporti i DASH per klimen e investitoreve te huaj per vitin 2022 e nxjerr Shqiperine nje vend te veshtire pe investimet e huaja.
Korrupsion i larte, PPP klienteliste kane shmangur konkurrencen dhe e kane bere te veshtire klimen e investimeve te huaj ne vend, kjo fale politikave klienteliste dhe te korrupsionit galopant te Rilindjes ne çdo sektor.
Ndaj e vetmja zgjidhje per permiresimin e klimes se investimeve te huaja eshte Revolucioni Antikorrupsion si nje beteje emergjente per te çliruar ekonomine, per te ngritur besimin tek investitoret dhe per ti kthyer qytetareve parate e grabitura nga pushteti i hajduterise se Rilindjes.
