“Sunny Hill Festival” nis sot për të sjellë katër ditë atmosferë, muzikë dhe net të paharruara në kryeqytetin e Kosovës, Prishtinë.
Shumë emra të njohur me famë botërore dhe artistë shqiptarë do të ngjiten në skenën e festivalit që mbahet në parkun e Gërmisë.
Tashmë ylli shqiptar me famë ndërkombëtare, Dua Lipa e cila bën hapjen e festivalit duke përformuar në natën e parë, ka arritur në Prishtinë.
Telegrafi mëson se sot, këngëtarja 26-vjeçare gjithashtu do të mbaj një konferencë për media. Ndërsa në Kosovë gjatë ditës ka arritur edhe artisti italian, Mahmood, i cili pritet të performoj për publikun në natën e dytë, të premten e 5 gushtit.
