Një aksident me pasojë vdekjen e katër personave ka ndodhur në aksin rrugor Rrogozhinë-Elbasan. Ngjarja ndodhi pranë vendit të quajtur “Bishti i Zhurit”.
Një mjet tip Benz është përplasur me një kamion, e për pasojë dyshohet se 4 persona kanë humbur jetën.
13:30 – Identifikohet një nga viktimat
Policia ka identifikuar një nga viktimat e aksidentit të rëndë që ndodhi në vendin e quajtur “Bishti i Zhurit” në Rrogozhinë.
Viktimë në këtë aksident ka mbetur 32-vjeçari Ndriçim Dervishi.
Forcat zjarrfikëse dhe policia janë duke punuar ende për të parë se sa persona kanë qenë në makinë, pasi përplasja ka qenë tepër e fortë.
Automjeti ka pësuar dëmtime të shumta, duke u kthyer në një “varrezë” përballë kamionit.
“Kavajë/Informacion paraprak
Më datë 04.08.2022, në vendin e quajtur “Bishti i Zhurit”, një mjet kamion me drejtues shtetasin I. C., është përplasur me një mjet tip “Benz” me drejtues ende të paidentifikuar.
Si pasojë e aksidentit, dyshohet se mund të kenë humbur jetën dy persona.
Grupi hetimor ndodhet në vendngjarje dhe po punon për sqarimin e rrethanave të aksidentit”, njoftoi policia.
12:00 – Detajet e para të aksidentit
Policia raportoi detajet e para të aksidentit, duke deklaruar fillimisht se janë 2 viktima.
“Më datë 04.08.2022, në vendin e quajtur “Bishti i Zhurit”, një mjet kamion me drejtues shtetasin I. C., është përplasur me një mjet tip “Benz” me drejtues ende të paidentifikuar.
Si pasojë e aksidentit, dyshohet se mund të kenë humbur jetën dy persona.
Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.
Trupat e tyre ndodhen ende në mjet, për shkak se përplasja ka qenë shumë e fortë, duke e shtypur totalisht makinën.
Policia ndodhet në vendin e ngjarjes dhe po heton për rrethanat e aksidentit. Paraprakisht dyshohet për shpejtësi jashtë normave të lejuara.
