Deputeti demokrat Kreshnik Çollaku gjatë një interviste për “Fax News” i ka bërë thirrje qeverisë që në mënyrë urgjente të ndalojë përdorimin e mjeteve lundruese në të gjithë Shqipërinë.
Gjatë fjalës së tij Çollaku, ngriti pikëpyetje sesi një komisar policie si Arjan Tase posedonte një skaf luksoz, ndërsa nënvizoi se askush nuk duhet të jetë mbi ligjin.
“Në mënyrë absolute duhet në mënyrë radikale duhet të ndalohen këto mjete në det. Rregullimi I ligjit duhet kohë, nuk kemi kohë të presim me muaj, duhen bllokuar të gjitha mjetet që janë rrezik për qytetarët në plazh. Mund të kishte viktima të tjera, jam I bindur që nëse nuk do të ketë ndalim do të ketë ngjarje të tjera si kjo. Në situatën të jemi duhet të ketë reagim të shpejtë, është situatë emergjente. Mund të ketë viktima të tjera nëse nuk ndalohen lëvizja e skafeve dhe motorave. Në mënyrë absolute. Është e pamundur të lëvizin dhe të vrasin njerëz. Mund të ketë nevoja për rregullim ligjor por autoritetet ligjore mund të marrin një vendim në mënyrë emergjence t’i ndalojnë dhe më pas duhet të rishikohet ligji. Kjo është tragjike shpresojmë mos kemi viktima të tjera.
Protesta ditën e enjte – Në protestë do të marr pjesë është normale që të bëhet. Unë besoj se dje ishte një protestë e cdo shqiptari që dhanë një mesazh të fortë, protesta e madhe ndodhi dje. Sot duhet të merren masa, nuk shikoj asgjë, kjo është marrëzi që të vazhdojë. Duhet të ndalohen sot dhe më pas ligji të rregullohet më vonë në parlament. Këto skafe dhe motora uji nuk duhet të qarkullojnë më. Rrezikon që të ketë viktima të tjera.
Fakti që një oficer policie posedon një skaf. Edhe biznesmenë në Europë me mirëqenie e kanë zili të dalim me skafe dhe jo me rroga policie. Kishte një mjet luksi si ka mundësi? Unë nuk dua të rëndoj situatën por kjo ishte arrogancë”, tha Çollaku, i cili ishte dëshmitar okular i ngjarjes së tmerrshme të ndodhur ditën e djeshme ku polici Arjan Tase duke drejtuar skafin përplasi për vdekje një 7-vjeçare në plazhin e Potamit të Himarës”.
