Nga Vlora, ku zhvilloi një takim me qytetarë dhe sipërmarrës, me të cilët diskutoi mbi turizmin dhe krizën që ka përfshirë këtë sektor, kryetari i PD, Sali Berisha paralajmëroi nisjen e stinës së protestave, deri në largimin e Edi Ramës nga pushteti.
Berisha u shpreh se Edi Rama është kryeministri që duhet të largohet nga vendi dhe jo qytetarët, ndërsa i këshilloi Ramës që të shkojë në Beograd te Aleksandar Vuçiç.
“S’ka diskutim, protestat do të jenë jetike. Sepse ky është armik. Ai që dhunon votën e qytetarëve të tij, është armik i qytetarëve të tij. Ishte Fatos Nano, pranoi, bëri përpjekje por jo, ishte në pushtet, u largua, dha dorëheqjen. Ky nuk njeh dorëheqjen.
Ky ka kryer kaq shumë vjedhje dhe afera, ndaj i duken vampirë ky, politikë etj. Ndaj, ju ftoj, siç e përzutë, se e ju e përzutë këtë herë dhe u detyrua të zgjedhë Durrësin, ta përzëmë edhe nga Shqipëria, të ikë ai, jo shqiptarët. Të shkojë në Beograd, atje e ka mikun e vet, të bëjë biznes dhe të bëjë çdo gjë me atë. Problemet e rëndësishme që ju ngritët do të jenë pjesë thelbësore e programit të PD”, u shpreh Berisha.
