Kryetari i Partisë Demokratike, Sali Berisha, akuzoi nga Vlora, ku zhvilloi një takim me qytetarët dhe sipërmarrësit, se Kryeministri Edi Rama përveç portit të Durrësit, tenton të vjedhë edhe te porti i Vlorës.
Berisha tha se për këtë Qeveri, qytetari është një qenie për t’u mashtruar dhe për t’u vjedhur.
“Porti i Vlorës, nëse do të bësh ndërtime, bëj aksionerë qytetarët e Vlorës, se është tokë e tyre. Por shkon te peshkatarët.
Pse nuk shkon atje ku është porti. Vlora është vendi i vetëm në brigjet shqiptare ku mund të ndërtohet një port gjigant për shkak të thellësisë së ujërave. Por problemi është si të grabitë këtu portin, në Durrës, si të grabisë pasuritë publike, si të grabisë kushëririn e tij Paskalin.
E marr në mbrojtje se ka të drejtë Paskali, përdor të gjithë shtetin për t’i marrë trashëgimitë që ka. Paskali ka guximin, se atij tjetrit ia ka mbyllur gojën, atij demokratit tonë Nestori”, tha Berisha.
