Ka arritur në ambjentet e Gjykatës së Elbasanit Ramis Mici, që dy ditë më parë masakroi me thikë bashkëjetuesen e tij, Jetmira Elezi.
Në sallën e gjyqit, Mici tha se nuk e mban mend se kur ka lindur dhe se a ka qenë dënuar më parë për dhunë në familje.
Mici ka deklaruar se nuk ka lekë për të paguar avokat dhe ka kërkuar një avokat kryesisht nga shteti. Në fund, gjykata e la në burg Micin.
Avokati i caktuar nga shteti kërkoi analizimin e gjendjes së tij mendore, gjë që nuk u pranua nga gjykata.
Po ashtu pala mbrojtëse ka kërkuar ekspertizën e thikës, e cila gjithashtu nuk u pranua.
