Pas dy vitesh në regjim të posacëm, Emiljano Shullazi, Albion Aliko dhe Genci Balla kanë lënë ambientet e 41-Bis. Vetëm një ditë me parë atyre iu kanë mbaruar afatet e regjimit të posacëm, duke lënë përfundimisht këto ambiente.
Vendimi për daljen e tyre është ekzekutuar ditën e djeshme, ku nga ora 8:30 e mëngjesit deri më 18:00 ata janë trasferuar në burgje të sigurisë së lartë, ku do vuajnë pjesën tjetër të dënimit. Ndërkohë tashmë në ambientet e 41 bis vijojnë të qëndrojnë Arbër Cekaj, Redjan Rrahja e Aleksandr Llanaj, të cilëve afati për përfundimin e këtij regjimi përfundon më nëntor të 2022. Ndëkohë që në regjimin e posacëm 41-bis ndodhen dhe Viktor Ymeri dhe vëllezerit Klemend e Eldi Cala, të izoluar së fundmi, afati të cilëve iu përfundon në maj të 2023.
Regjimi i posacëm “41-bis” ka për qëllim parandalimin e krimeve, si shmangien e kontakteve të këtyre të dënuarve me organizata kriminale.
Ky ligj hyri në fuqi në vitin 2020, ku nisi të aplikohej me 7 të burgosur që konsideroheshin me rrezikshmeri të lartë.
Në atë kohë u izoluan anëtarët e grupit shullazi dhe 3 të burgosur të tjerë, ku për Emiljano Shullazin, Arbjon Alikon dhe Genci Ballën, me kërkesë së SPAK, izolimi i tyre u shty me 1 vit tjetër e këta persona ndenjën në regjimin e posacëm prej gushtit të vitit 2020.
