Kryeministri Edi Rama dhe ministri i Mbrojtjes, Niko Peleshi, kanë shprehur kritika ndaj kryebashkiakëve lidhur me situatën e zjarreve.
Edhe pse helikopeterët e Ministrisë së Mbrojtjes janë ende në remonte dhe nuk ndihmojnë në situatën e zjarreve, duket se Qeveria ka vendosur që përgjegjësinë ta shkarkojë te kryebashkiakët, të cilët prej tre vitesh ushtrojnë detyrat si të emëruar dhe jo të zgjedhur.
Rama ka shmangur nga kritikat vetëm dy prej kryebashkiakëve, atë të Fierit dhe Beratit, ndërsa kritikat më të shumta i kishte për atë të Durrësit.
I ashpër me drejtuesit e pushtetit vendor të cilët këtë të hënë u mblodhën në kryeministri u tregua dhe ministri i Mbrojtjes Niko Peleshi. Madje ai sugjeroi edhe që pushimet të mos i marrin në muajin gusht.
Në zonën e përfshirë nga flakët, sipas kryeministrit, helikopteri është i fundit që duhet të ndërhyjë.
Apeli i Ramës ishte për të rekrutuar vullnetarë në çdo fshat.
Kryeministri kërkoi angazhim më të madh të bashkive ndërsa tha se kohë dhe më sfiduese na presin.
Nga 22 vatra zjarri që u evidentuan në vend 24 orët e fundit aktualisht vetëm një në Finiq dhë një në Shkodër janë aktive.
