Në episodin e dytë të “Kepit të Tundimeve”, djemtë dhe vajzat u bënë pjesë e një loje ku duhet të vizatonin në trupat e njëri-tjetrit ofendimet apo paragjykimet që i janë drejtuar gjatë jetës së tyre dhe ata u shprehën të gatshëm duke zbuluar histori nga jeta e tyre që nuk i dinim.
Anxhela e përjetoi më shumë nga të gjithë këtë lojë dhe teksa po tregonte paragjykimet që kishte hasur, shpërtheu në lot.
“Unë jam Anxhela. Nuk jam as e paaftë, jam shumë njeri i zoti dhe kam rrezikuar mjaftueshëm, të paktën për të mos merituar ofendime nga njerëzit që më kanë njohur dhe e dinë se kush jam dhe që kanë pretenduar se më kanë studiuar për të më vënë në një pozicion pune të caktuar.”- tha ajo mes lotësh.
