Mbrëmjen e djeshme Policia italiane ka kryer kontrolle të imtësishme duke çuar para drejtësisë dhe katër persona, dy prej të cilëve u arrestuan në flagrancë, mes tyre dhe një shqiptar, shkruajnë,mediat italiane.
Karabinierët e Stacionit Torvajanica arrestuan në flagrancë gjatë tentavës për vjedhje të rëndë një shtetas me kombësi polake, i cili pasi theu dritaret e një dere franceze, hyri në një shtëpi private. Pronari i moshuar i pranishëm në shtëpi, në dijeni të ndërhyrjes në katin e sipërm, dha alarmin dhe falë ndërhyrjes së shpejtë të patrullës ai u arrestua.
Gjithashtu në Torvajanica, në Campo Ascolano, Policia arrestoi një të ri shqiptar që po shiste drogë. I riu pasi kishte kuptuar që po vëzhgohej nga Karabinierët u mundua të hidhte qeset me marihuanë në banjo por pa rezultat pasi u arrestua në flagrancë. Pas arrestimit u konstatua që i riu shqiptar ishte shpallur i padëshirueshëm në shtetin italian pasi kishte shkelur disa herë ligjin.
Gjatë të njëjtit shërbim, një patrullë e Stacionit të Karabinierëve Romë – Divino Amore, gjatë kontrollit të trafikut rrugor, ndaloi një shtetas me kombësi rumune, për të cilin ishte lëshuar një urdhër ekzekutimi për burgim, pasi ishte dënuar me 9 muaj burgim për plagosjen e një zyrtari publik.
