Skuadra e Çelsit ka zhvilluar dy miqësore me Udinezen brenda 24 orësh, duke triumfuar në të dy përballjet testuese. Mbrëmjen e djeshme në orën 21:00, Tuhel vendosi një skuadër më të fortë përballë skuadrës italiane, të cilën blutë e fituan me rezultat 3-1.
Ndërsa sot, në orën 11:00 skuadra londineze e mposhti 2-0 Udinezeën, falë golave të Ruben Loftus Çik dhe Hakim Ziheç, me ndeshjen që u zhvillua me dyer të mbyllura. Trajneri Tuhel i besoi vendin e titullarit, në ndeshjen e ditës së sotme, edhe Armando Brojës, që qëndroi në fushë 45 minuta, por fati nuk ishte me shqiptarin, teksa sulmuesi, pati 3 raste të arta shënimi, por nuk arriti ta dërgonte topin në rrjetë.
Duhet të kujtojmë që Broja vinte nga dëmtimi dhe ishte hera e parë që rikthehej në fushë për të marrë minutat. Pozitiv është fakti, se shqiptari arriti të krijonte volum loje, pavarësisht se mungoi saktësia në finalizim.
